hum ghazal mai bhi tera charcha nahi hone daitay
teri yaadon ko bhi ruswa nahi hone daitay

kuch to hum khud bhi nahi chahte shohrat apni
aur kuch log bhi aisa nahi hote daitay

azmatain apni charaghon ki bachane ke liyn
hum kisi ghar mai ujaala nhi hone daitay

aabh bhi gaaun mai kuch kachchay makano wale
ghar mai humsaye ke faaqa nahi hone daitay

zikr karte hain tera naam nahi laite hain
hum samandar ko jazeeraa nahi hone daitay

haq wafa ka jo ham jatane lage
ap kuch kah k muskurane lage

ham ko jina parega furqat mein
wo agar himmat azmane lage

dar hai meri zuban na khul jaye
ab wo baten bahut banane lage

jan bachti nazar nahin ati
gair ulfat bahut jatane lage

tum ko karna parega uzr-e-jafa
ham agar dard-e-dil sunane lage

bahut mushkil hai shewa-e-taslim
ham bhi akhir ko ji churane lage

waqt-e-rukhsat tha sakht "Hali" par
ham bhi baithe the jab wo jane lage

Kisi libas ki khushoo jab urh kar aati hai,
tere badan ki judai bohot satati hai,

tere badan ke pasiney say mushk boo hai libas,
tere libas ki khushboo badan se aati hai,

tere pasijey hue tang perahan ki shameem,
lahoo mein aag laga kar badan jalati hai,

tere gulaab taraste hain teri khushboo ko,
teri safaid chambili tujhe bulati hai,

tere baghair mujhe chain kaise parta hai,
mere baghair tujhe neenend kaise aati hai,